وانا صفحه مساحتها خيالك وانت تكتبني

على (إيميل راسلني) تراسلني بلا استئـذان
تود بمعرفة ما في ضميري وأنـت تعرفنـي
غريب أمرك تحاول تستفز الخافق الولهـان
وانا صفحه مساحتها خيالك وانـت تكتبنـي
طلبتك تخلص النية وتتعوذ مـن الشيطـان
لكن الشك مستحوذ على قلبـك ومزعجنـي
انا كيف اقنعك بانك حبيب الروح يـا فتـان
ونظراتـك تلاحقنـي وبالتكذيـب تقتلنـي
عقدت الشور مع قلبك لنصبح فالبلد خـلان
وابت نفسك تطاوعني وهذا اللـي معذبنـي
تذكرت السنين اللي طواها عالـم النسيـان
وجدت اني معك مثل الخرابه وانت تهجرني
لقيت الناس من حولي تعزي قلبي الحزنـان
وكم كنت اطلب المولى تجي معهم وتحضني
تغيب الشمس لكن في عيوني نورك الزهران
منافذ خافقي مفتوحةٍ لـك وانـت تسكنـي
سؤالي لك امانه خل عنك الظلـم والبهتـان
يكفيني ظـروف الوقـت بالحديـن تطعنـي
يزول الباس لكن في غيابك تذرف العينـان
تهل ادموعها والشوق يفضحها ويفضحنـي

» مليار مسلم يتناولون الخنزير وانت واحد منهم ..!!!؟